Mazdaq.kz — Еліміздің прокуратура органдары бұрынғы Мәжіліс спикері Нұрлан Нығматулиннің ағасы Арғын Нығматулинге іздеу жариялады.

Құқықтық статистика және арнайы есепке алу органдарының порталында жарияланған мәліметке қарағанда, прокуратура органдарының бастама жасауымен Сыбайлас жемқорлыққа қарсы іс-қимыл агенттігі 1955 жылы 28 маусымда дүниеге келген Нығматулин Арғын Зайроллаұлына іздестіру жұмыстарын жүргізеді.

Ғаламтордағы мәліметтерге қарағанда техника ғылымдарының кандидаты Арғын Зайроллаұлының 20-дан астам ғылыми жұмысы, өнертабысқа арналған 3 авторлық куәлігі бар. Бірнеше орденмен және медальмен марапатталған. Қарағанды облыстық мәслихатының депутаты болған.